F1 阿布札比分站 FP2 成績...
8 CommentsComment on Facebook
max休息了🤣🤣
Max做老豆即刻縮油😂
又有一次證明左Max講嘅野 - Max揸麥拿倫一早拎左世冠
希望角田上到
红军又虎头蛇尾了
不妙不妙法記不妙屋
Bye bye Perez
F1 阿布札比分站 FP1 成績...
共有 6 位新秀車手代替 正規車手登場，當中成績最佳為 Aston Martin 的 Felipe Drugovich。
6 CommentsComment on Facebook
2024 F1 煞科戰前夕，眾車手相聚晚餐。
但只出一張相既話，台長覺得如此出 post 呃 like 冇意思， 所以寫一寫各人來年去向...
19 CommentsComment on Facebook
台長可唔可以畫埋車手友情關係圖
周仔嘅解說，只有香港人才𢤦得笑😆😆
AM隊不獲邀請？
周嘅經理人26年擔任新車隊管理人，會唔會有機？
頭哥，兒子，K Mag, Hulk 冇出席
頭哥呢？
我想了很久才想到誰沒有出席😅
想知呢餐係邊個俾錢🤔
好完整動向標註
特急官宣，Max將要做真.爸爸了
Norris個IG笑死😂
唔知今年張單使唔使十幾萬USD
AM Haas 無人被邀請
唔齊人喎
Russell：最鍾意搭人膊頭
Vegas Yeung Alonso 唔見影
Chloe Yu 下年動向
Lau Bak 咁似以前個d8掛雜誌
位置變了 各有隊友
將於香港時間今日黃昏舉行的 F1 阿布札比站 第 1 節練習賽 (FP1)，將有 6 位 符合 FIA 規定為 "新手車手" 資格 的車手 (rookie driver) 上陣。
當中 3 位屬處子登場 - 包括 Charles Leclerc 之弟 Arthur Leclerc、2023 年 澳門 F3 世界盃冠軍 Luke Browning 及 兩屆 (2022、23 年) WEC 總冠軍 平川亮。
另外 傳聞將被提拔，明年到 Racing Bull 參賽的 Isack Hadjar，還有 同屬 Red Bull 青訓的 岩佐步夢。
而 Felipe Drugovich 繼墨西哥站後，再度亮相。
2 CommentsComment on Facebook
多啲新人好睇啲
馬田個新秀，係咪大頭個仔嚟🤣🤣🤣🤣咁似樣既 大牛嗰個係Albon細佬？🤣🤣
將於本週末 F1 阿布札比分站煞科戰結束後 離開 Haas 車隊 - 天空海闊，踏上人生另一階段的 Kevin Magunssen，來年去向終塵埃落定...
BMW 方面宣佈 獲得該位 32 歲丹麥車手 首肯 加盟，將會駕駛 廠方的 M Hybrid V8 Hypercar 出賽，不過新聞稿內未有明確表示更多詳情。
環顧全球，Hypercar 活躍的賽事系列，包括 世界耐力巡迴賽 (WEC)、美國 IMSA Series，以及 勒芒 24 小時耐力賽 (24 Hours of Le Mans)。
#haas中央管理層將magnussen免職
13 CommentsComment on Facebook
好慘，佢唔應該得到「天空海闊」嘅評價😂
2014年澳洲站開季睇住佢第一場就上台 亦都係唯一一次 話咁快十年
Good Luck to you Kevin, thanks for the dog fight moments you brought to us
One of the driver I loved to watch on this current grid!
祝天空海闊
رحلة موفقة ومستقبل مشرق
Hypercar 父子檔唔到了吧
假如之後rossi夠錢買部客仔隊玩就真係天衣無縫
一陣玩埋Gt3😎😎
都不是第一次離開了
吸蛋组合没了 🥲
有價值就邊度都有人要
ㄣ ㄣ ㄣ
Ferrari 最後決定讓 "研發車手" (development driver) Arthur Leclerc 出席 阿布札比站的 第 1 節練習賽 (FP1)。
眾所周知 Arthur 的哥哥，正是 Charles Leclerc...
為符合 F1 賽例要求，各隊需至少安排兩次 FP1 機會予年輕車手 (rookie driver) 登場。因此 Carlos Sainz 要讓出駕駛席位，並造就了 Leclerc 兩兄弟在 F1 同場同隊上陣。
14 CommentsComment on Facebook
細陸仔同大..
Antonio Fuoco呢？
個細路會叫到斷氣
對上一次兩兄弟同場係咪 Michael Schumacher & Ralf Schumacher?
出事啦，細佬會唔會唔小心... 炒爛對手部車😗😗
不知什麼時後可以有父子同隊同場一起比賽
雖然係FP1，希望正賽可以好睇🫣
小樂加油！看好你😄
唔好2個都stupid 就得喇
耶！这才是我想看到的
不過我覺得細佬靚仔啲
當年Michael Schumaker和Ralf Schumaker兄弟檔同在F1出賽，沒有機會同隊，不知道同隊的話會發生什麼事。
串錯人哋個名。。。
經過一整年的賽季征戰後，香港賽車運動員許建德(Jonathan)終憑穩定的表現，實現他在年初時定下的參賽目標，贏得GT世界挑戰賽歐洲賽(GT World Challenge Europe)的綜合銅盃車手總冠軍。這名香港車手在2023年第二次獲得耐力盃銅級車手總冠軍後，便已決定提升挑戰目標，於今季角逐全數合共9站的GT歐洲賽耐力盃及衝刺盃賽事。對於在過去四年內，三奪耐力盃總冠軍的許建德和他所屬的Sky Tempesta Racing來說，這是一項令人難以置信的成就。
許建德與他今年整個賽季的戰友，意大利車手Eddie Cheever III，兩人一同獲得綜合銅盃車手的總冠軍。他們兩人在耐力盃的隊友，來自英國的Chris Froggatt，今季亦繼續合作。三人與Sky Tempesta Racing今年在法拉利專家團隊AF Corse的支持下，以新款的93號法拉利296 GT3戰車取得顯著的進步。Jonathan自2019年以來一直與英國車隊Sky Tempesta Racing合作，以出戰法國利曼24小時大賽為目標，來年將是這名香港車手首度獲得參賽資格，出戰這項具有長遠歷史的大賽。
車隊於沙地阿拉伯站賽前，於耐力盃和綜合銅盃車手積分榜上均以些微分數領先，這一場分站賽事亦是本屆GT歐洲賽唯一的非歐洲賽站。然而，由於沙地阿拉伯站的冠軍可獲得33分，所以許建德與他的車隊仍需努力取分，並確保能獲取足夠的分數才能將年度總冠軍帶走。
沙地阿拉伯站賽事一開始，Jonathan便立刻發力，儘管這是他首次來到吉達作賽，但他仍能在銅級車手測試中取得第1名，以2:01.299的圈速居銅級車手首位。但在三人合作的排位賽中卻失準，未能追上同組對手，93號法拉利戰車在比賽只能排在第6位起步。
一如賽前預料，賽季最後一站的6小時比賽從一開始便充滿戲劇性，Sky Tempesta Racing的最主要爭標對手，991號Paradine Competition的寶馬賽車在比賽開首第1個小時已宣佈因機件故障需要退賽 。然後，比賽焦點都集中在另一隊總冠軍挑戰者，亦即是排位積分榜第三名的97號Rutronik保時捷賽車。
許建德和隊友所駕駛的93號法拉利戰車在開賽後曾一度成功提升名次，可是亦因為車手失誤犯規，被賽會於前半段比賽判罰加時35秒。此外，該名香港車手在跟對手埋身比拼時兩次擦上牆壁，令戰車受損。更為禍不單行的是，他們駕駛的法拉利戰車在比賽尾段出現引擎馬力下降的問題，戰車在戰鬥力不足的情況下只能硬撐至比賽完結。
然而，許建德和他的隊友並沒有氣餒，繼續駕駛Sky幻彩車花的法拉利戰車奮力作戰，最終他們以組別第六名衝過終點。值得慶幸的是，這個名次足以使他們獲得足夠積分，以稍微的優勢獲得耐力盃銅級車手總冠軍，以及綜合銅盃車手總冠軍兩項錦標。
許建德的2024年賽季終能以亮麗的成績作結，他在整個賽季上都有著穩定而高水準的發揮，將自己的實力再提升至一個全新的領域。這名代表香港征戰多年的賽車手，很自豪有機會能代表香港賽車運動進軍至另一國際舞台上。他非常期待踏上這新的征途，走上其賽車生涯的又一高峰，於2025年挑戰殿堂級的利曼24小時耐力賽組別冠軍。
3 CommentsComment on Facebook
F1 確認與 荷蘭 Zanvoort 賽道續約一年，但同時宣佈 2026 年後退出分站賽行列。
當局透露 後年將會是首次/亦是最後一次於該場地舉行短途衝刺賽。
荷蘭原訂自 2020 年起復辦 F1 分站賽，但受疫情影響，被迫延誤一年到 2021 才正式上演賽事。 受惠於 主場車手 Max Verstappen 的掘起，近 4 年皆取得不俗的入座率。早前主辦機構表示 隨著多國有意申辦，向 F1 繳交舉辦費用大幅提升，並明言要審慎評估續辦是否合乎經驗利益。
4 CommentsComment on Facebook
錢啊……
唔係MV33, 根本就唔會有荷蘭站… 再加上Zanvoort賽道的特性（窄+極難扒頭），我印象荷蘭站年年都幾悶的
慘
押後
Alpine 公佈與 現役車手 Esteban Ocon (圖右) 提早一場結束合約，好讓對方提早到新東家 Haas 車隊 參與季後測試。
至於騰出的空缺，將會由 後備車手 Jack Doohan (圖左) 頂上，數日後將會於阿布札比 煞科戰 處子登場。
Ocon 在 昨日的 卡塔爾分站正賽首圈即遇上意外，被迫提早退賽。 及後的訪問突然表示要向車隊上下 整年的努力致意，外界當時已揣測 或許是最後一場為 Alpine 效力的比賽。
3 CommentsComment on Facebook
巴西站的亞軍，是Ocon和Alpine的最佳farewell禮物
車隊全年最佳決定
點解仲會有車隊簽奧康架？？？😅
[特別報告] 今晚 2300 開始的 F1 卡塔爾分站 台長 及 雞莊主理 既 廣東話外掛評述直播，徇眾要求再次邀請 玄學大師 龍躍天師傅，利用奇門分析 Sergio Perez 餘下兩場比賽的表現，以及 來季前途。
另外 亦會 預測 Lewis Hamilton 明年轉投 Ferrari 能否 東山再起 等等...
記得 今晚 2300，youtube 頻道: Chicken John is Coming Again (雞莊又來了)， 到時見！
link: youtube.com/live/W_fugha5gfY?feature=share
8 CommentsComment on Facebook
呢個角度講唔係唔得，但另開一個節目講可能會合適d
大家要課金啊～
想知邊位車下下年犯太歲😂
期待👏🏻👏🏻
原來龍師傅那麼年輕罷了
I need to tell Toto 🤣
Raikkonen Tan 🤣 lets go
作為台長，中立啲啦⋯⋯不知所謂
F1 卡塔爾排位賽，Red Bull 車手 Max Verstappen 雖然在最後一節 (Q3) 成績最佳，但由於在冷卻圈 (cool down lap) 行駛速度過慢，被大會罰退一位。因此 頭位起步資格的落入 Mercedes 車手 Geroge Russell。McLaren 雙雄 Lando Norris 及 Oscar Piastri 鎖定起步格第 2 排 (即 3-4 位)。
17 CommentsComment on Facebook
阻到佢啲乜？原來cool down lap都有計時
國籍問題姐😎
對不起你沒有英國護照,jpg
cool down 的意義係乜????
咁快就驚max會破某人頭位出賽記錄
如果第二名是Ferrari 就沒事
＇真＇賽車皇帝
因為Max沒有這個。
林彥誠 笑死這什麼白痴原因
max班工程師真係好勁 咁快可以set up過架車令到max拎到pole
又玩針對
应该罚在pit 起步嘛🤣🤣如果冠军还没定的话。
F1 卡塔爾 短途衝刺賽，McLaren 兩位車手 Lando Norris 及 Oscar Piastri 起步即緊守 1-2 位，沿途兩人互相掩護。到最後一圈衝線時，一直領先的 Norris 突然 收油，將首名讓予 Piastri。補償 早前於 巴西分站衝刺賽，原本屬於後者的勝利。
Mercedes 的 George Russell 全場苦苦追纏下 未能找到 "爬頭" 機會，只能取得一席 第 3。
Red Bull 的表現令人失望，已確認奪得本年度車手總冠軍的 Verstappen 起步後 受前方兩部 Ferrari 阻擋，兼且戰車轉向不足，排名一度下滑至 得分區以外的 第 9 位。雖然及後超越 Pierre Gasly，但僅止於此，結果以 第 8 衝線。
而 Verstappen 隊友 Sergio Perez 的惡夢持續。由於賽前更改設定，按賽例從維修區起步，然而綠燈亮起時，該位墨西哥車手卻不知何故猶豫，迅即被同樣受罰在車房出發的 Franco Colapinto 超越。全場發揮不到應有速度下，尾段車隊明顯放棄，淪為 "試車時段"，安排進站換胎收集行車數據， 成為今場的包尾大幡。
衝刺賽後，爭持激烈的車隊積分榜再起微妙變化。McLaren 成為大贏家， 一口氣增添 15 分 後，與 次席 Ferrari 的差距 擴展至 30 分。
中游車隊方面，Nico Hulkenberg 取得 第 7，為 Haas 增添 兩分，保持 "中游一哥" 的 第 6 位，領先 Alpine 3 分。
#明晚直播請到龍師傅再睇睇checo前途
8 CommentsComment on Facebook
其實F1有冇唔比「做馬」相關既條例？🤔
今年借，今年還，唔好帶落下一季
McLaren 让车剧要演到几时？太可耻了😅
我氣又梗頸無分。。。。嗚
主席已經short 撚左
車隊叫 Lando 唔好讓喎
McLaren seemed happy for them not to swap position, so it's Lando who wished to pay back to Oscar for the previous Sprint race win...
2024 年度 F1 最後一場 短途衝刺排位賽 (sprint qualify)，結果由 McLaren 車手 Lando Norris 以 0.063 秒之微力壓 上仗冠軍 George Russell 奪得頭位。隊友 Oscar Piastri 則取得第 3 位。
頭十位 當中包括 7 支車隊，正在爭奪 "中游一哥" 的 3 隊 - Alpine、Haas 及 VCARB 各一位車手 入圍，Pierre Gasly Nico Hulkenberg、Liam Lawson 明日將於 第 8-9-10 起步，可觀度 或許 比前列的爭逐更激烈精彩。
已確定奪得 本年度車手總冠軍的 Max Verstappen 只取得 第 6 名，而同隊的Segio Perez 持續穩定發揮，於第一輪出局，明日的衝刺賽將於 16 位出發。
35 CommentsComment on Facebook
"穩定發揮" 🤣🤣🤣
明天12月啦，主席個運勢點啊？
好mean，checo 穩定發揮
穩定發揮 😂🤣
Checo每次都q1出局，拍得住兒子同周冠宇
Max冠軍了就可以輕鬆開了
就係因為持續穩定，所以現在年度車隊錦標先至冇咁混亂……哈哈
持續穩定Q1出局
好难架好某，要稳定发挥次次16 一d都唔容易
隊友保持水平👍🏻
Perez 穩定發揮🤣🤣🤣🤣
啊湯哥再吾努力 墨西哥都抽到就快要制水
PER持續穩定發揮
Perez發揮穩定，續約應該冇乜問題啦？周仔應該繼續留喺F1，轉揸安全車，都叫做F1呀！
穩定的Segio
穩定發揮？這形容？
起步兩秒玩完
維修站起步，換左一次呔，最後一名沖線。
國防部大臣係咪諗住博炒🤣
T1就没了🤣🤣
持續穩定發揮
持續穩定發揮😂 佢完美示範咗何謂取得合約後就可以躺平
又可以睇牛奶仔起步點比人過頭
起步準備又可以聽到Nor radio He push me off the track, He need give me back position 不然Nor 又會哭了😭
Tsang Owen Checo有料
Mercedes 確認，隊中車手 Mick Schumacher 已選擇在 2024 賽季結束時離開。
25 歲的 Mick 於 2023 年初 從 Haas 轉投，加入車隊。過去兩年一直擔任後備車手。除了在車隊模擬器中的職責外，Mick 還在各種測試和比賽中提供了寶貴的賽道回饋。今年同時代表 Alpine 參加 "世界耐力錦標賽" (WEC)，並在日本富士站首次登上了領獎台。
Mick 同時 於 社交媒體公佈 離隊的消息， 並感謝 Mercedes 兩年來的照顧。指透過 測試各種賽車、模擬器等工程，毫無疑問讓自己成為一名更有經驗的賽車手。但只在旁觀看賽事而不是親自坐在駕駛艙裡是很困難的，因此決定向外尋求更多的出賽機會。
另一方面，Alpine 同日宣佈 明年 WEC 的車手陣容，Mick 仍然在列。
11 CommentsComment on Facebook
其實WEC都係好好的出路
加油啊 我是你老爸的鐵粉 小子你給我振作起來~~
努力 !!
各位批評MS的鍵盤俠，25歲在幹嘛呢？有他一半成就？呵呵😂⋯⋯
但都25歲了🫣
因為2025賽季Benz 會搵保達斯返黎做後備車手👍🏻
沒事，F1並非職業賽事唯一之路
唔通GM搵咗佢2026年幫手鬥F1
浪费岁月了😓
合理咁睇，佢應該會做埋Alpine F1 嘅 reserve
25岁基本在F1没啥希望了。 对他妈来讲这个投资在儿子身上已经算是个烂尾娃了🤧所以一个人的成功是真的不能复制的，就算他是你爸，就算超级有钱
2024 年 對香港車手許建德 (Jonathan Hui) 來說是多姿多彩的一個賽季，來到 "GT 世界挑戰賽歐洲賽" (GT World Challenge Europe) 的煞科戰 前夕，Jonathan 帶著 一場分站冠軍 及 兩場季軍的成績，分別在耐力盃銅級車手積分榜，以及銅級車手總積分榜上，都是位列榜首。本週末 (11 月 28 - 30日) 於 吉達濱海賽道 (Jeddah Corniche Circuit) 上舉行 的 第 10 回合賽事 - 吉達 6 小時耐力賽 (6 Hours of Jeddah)，將決定冠軍錦標誰屬。
Johnathan 將繼續聯同 曾於 2023 賽季 贏得 GT 歐洲耐力盃 銅級車手 總冠軍 的隊友 - 意大利車手 Eddie Cheever III 以及 英國的 Chris Froggatt，駕駛 Sky Tempesta Racing 的 93 號 Ferrari 296 GT3 戰車，在 總長 6.18 公里 的街賽道上 問鼎冠軍。
儘管今年的賽事頻密程度比以往更甚，賽場上的競爭也日益激烈，但亦無損 Jonathan 的良好的比賽狀態。該位香港車手的目標 只有一個，就是要奪取年度錦標、連續兩屆稱霸耐力盃銅級車手組別、並要首度贏得銅級車手的最高殊榮 - 綜合銅盃車手總冠軍。
如果 許建德 能成功收獲本年賽季的綜合銅盃車手總冠軍，他將可獲得被譽為賽車界的最高殿堂，明年賽季的 "法國利曼 24 小時 耐力賽" (24 Hours of Le Mans) 的參賽入場劵。
"GT 世界挑戰賽歐洲賽" 閉幕戰 將於本週末在官方網站 以及 其官方 YouTube 頻道 上現場直播，屆時請大家為香港賽車手打氣。
0 CommentsComment on Facebook
F1 宣佈原則上同意 通用汽車 (General Motors，簡稱GM) / Cadillac 於 2026 年起加入 F1 行列，成為 第 11 支參賽車隊。
當局指從 2024 年 1 月起一直與該美國車廠 及 其合作夥伴 TWG Global 展開談判，到日前取得突破進展。2026 年 及 2027 年為過渡期，車隊將會租借引擎應戰。到 2028 年將會使用自家制引擎上陣。
GM 主席 Mark Reuss 表示 F1 為最頂級的賽車運動，對於獲得批准加入感到非常榮幸。承諾將致力提升 F1 水平，並希望藉此向世人展示車廠先進的技術。
21 CommentsComment on Facebook
是怕某美國車隊沒錢玩不下去？所以再次金援的方案B
多一隊陪跑？🤨
跟住另外10隊反對
andretti表示........
F1要車廠唔要車隊
美國政界發功迫F1就範
Logan有位有車揸(撞)了
新聞報GM要比4億美金比10隊車隊分
陪跑車隊🤣19-20號位
正常邏輯性道德觀念底下同意
車手陣容也定好了
Purdy Fung 原則上同意係咩玩法
實際上。。 未？
排位賽越來越唔掂當。。。紅旗無加時間，First come first serve，導致有實力車隊唔能夠做完個一圈
究竟andretti衰乜 衰太勁？
Andretti哭暈在廁所
Flowie Winni
Lam Hou Kong
📣📣📣 金鑽娛樂集團📣📣📣 2024金鑽娛樂集團💎官方直營💎 「DB體育」「金鑽獨家」 😀 ·靚賠率 ·有返水 ·有保證 ·大平台 ✅ 你買$88 以內嘅全數保底 ✅ 每日一場波 冇得輸！ ✅每日波膽活動 中左100$紅包 ✅每日估一場 主/客 球賽 100$紅包 「名額前10人」 買完記得cap圖比 😀 贏錢你收 輸錢我賠 💴各位手足係 www.gdvip666.com 我 ^唔會主動聯絡你地小心假帳號 🔥會員每周388 🔥每周不幸金388 🔥新註冊會員 8金 🔥新會員100%首充 強勢回歸 🔥反水最高2.5% 🔥每日首充10% 🔥生日禮金🧧 🔥轉會 HMG 皇朝 GameOne 舊會員 🧧限時保留同等VIP等級 🧧 提供帳戶vip等級 轉會同等級別Vip 股東1億資金❤️ 零負評 保證贏有得收資金雄厚 夠做埋黎 盡情片！盡情黎！無論你一萬 定兩萬一槍 都無感覺！ 💎 金鑽直營 最強直營網 上落分快手 限時抽紅包🧧888 絕無收費活動 t.me/vipvip33366 請聯絡我 🤙 金鑽10年老行尊 📱 wa.me/+85259378230
Liberty Media: Andretti, you are NOT welcome in F1
2024 F1 世界冠軍誕生。
恭喜 Max Verstappen 4 連霸！！！！
22 CommentsComment on Facebook
巴西那場從 P17 to P1 Max’s 真的創下歷史🏆🩷
真心覺得上站佢已經值得攞wdc
佢除左第一年太大爭議，佢真係超勁 雖然我真係唔太鍾意佢
佩服！ 冇火星車冇隊友一樣贏，今年最應該攞
今年應該贏得有感覺好多
實至名歸的冠軍
明年就換人，沒有車手能連續拿下五連冠 😁
服了
恭喜恭喜 ～～～ 今年不簡單 ！
真的猛到
今年好似唔使隊友都贏到🫠
明年他不可能拿到世界冠軍
實至名歸 上場巴西水戰 真係服咗佢
恭喜M4X
3
Simply lovely
m4x
M4X
Du~du~dudu~~~~Max Vepstepen
三届啦！臭不要脸👎
由於 Williams 車隊工作人員於 Parc Ferme 期間為 Franco Colapinto 的戰車換上第 6 套波箱 及 與排位賽不同版本的前制動冷凍喉管。 因為稍後香港時間 1400 舉行的 拉斯維加斯分站正賽， 將會於 維修區 (pit lane) 起步。
長氣的再講一次，稍後 1300 開始的 F1 廣東話外掛評述直播，將轉到 新頻道: Chicken John is Coming AGAIN。
youtube link: youtube.com/live/jqG0IGYZgaE?feature=share
敬請留意！
15 CommentsComment on Facebook
年度爆肝大獎: Williams機械師
下年仍有可樂嗎？
年度辛勤獎非威記莫屬
有冇超Budget ?
點解要換前 brake duct❓仲唔係後備零件庫存無參加排位賽用嗰隻 brake duct，唯有換另一隻❓再撞又無零件庫存咪要用 Monaco 設定跑 Yas Marina❓
季尾都仲有咁多零件整車😂😂好犀利
咁都整得番😂
年度大維修大𡘾非Williams，炒咁大鑊都可以咁快搞點轉過頭又炒多鑊
砌得返識行已經唔簡單
Williams 砌車熟練度大增
又炒
換完車手都係抄得咁勁🫢
宇宙級維修人員
William维修人员不怕没出路
「衰仔你咪又炒多鑊啊」
特別報告 : 再再再提醒大家，本星期日起 - F1 廣東話外掛評述直播，將轉到 新頻道: Chicken John is Coming AGAIN。
麻煩大家率先 將頻道訂閱、按讚 及 開啟小鈴鐺，以便接收最收資訊。
明天下午 1300 開始，台長 及 雞莊 將會係 新頻道 Chicken John Is Comng AGAIN 等大家，並送上 F1 拉斯維加斯 正賽 - 廣東話 爆 seed 赤裸激情評述。
youtube link: youtube.com/live/jqG0IGYZgaE?feature=share
敬請留意！
3 CommentsComment on Facebook
提多幾個po啊～我望到尾段先知轉新channel, 訂閱了🫡👍🏻。
等睇聽日既Max係想玩劇本定係 穩嬴
支持
Williams 發表聲明，指 Franco Colapinto 於排位賽的意外，承受了 高達 50 G 的衝擊。雖然現時看來並無大礙，但明日會再作詳細的身體檢查後，才決定會否出戰正賽。
(當然戰車能否趕及搶修成功，又是另一回事了...)
17 CommentsComment on Facebook
真正受到50G衝擊是威廉士的維修費而不是可樂騙徒吧😅
嘻，佢噚晚話成個場都大麻味，可能入彎前聞咗一大啖，成個人暈暈地咪早咗扭軚，一定係 🤡
表面可樂受傷出唔到賽，實際比班技師抖吓
50g可以上幾多次太空？
原本不富裕的家庭，更加困頓了
Williams 有金手指： 無限金錢。。。
又要通頂
唔好再怪澳門FR既車手水平低，實況係現金車壇青王不接⋯
仲夠唔夠parts
無錢整車喇
又爛
很佩服williams找两个喜欢炒车的人回来。。。看他们有几多钱来做。。
咁樣撞法下年沒人敢要了!
啱啱通頂整完依家又炒過
不用修，明天宣布退赛…🙈
威廉士荷包有5000G衝擊
真係整得仆街
F1 拉斯維加斯排位賽，Mercedes 維持 昨今 三節練習賽的強勢表現，駕駛 63 號賽車 的 George Russell 創下 1:32:312 全場最快圈速，以 0.098 秒之差 力壓 Ferrari 的 Carlos Sainz 奪得頭位。 可惜的是 本是熱門之一的 隊友 Lewis Hamilton 連續兩次嘗試上場均有失誤，未能錄得理想時間，明日將從第 10起步。Alpine 亦成為焦點，上仗 季軍 Pierre Gasly 繼續帶來驚喜，拿下第 3。
幾位問鼎 今屆世界冠軍的車手 : Charles Leclerc、Max Verstappen、Lando Norris 則分別位列 4 - 5 - 6 位。
第 2 節排位賽 (Q2) 末段 曾發生嚴重意外，大會需出示紅旗 暫停，並延誤近 20 分鐘，以便清理現場。事緣 近來人氣急升 (尤其在美洲) 的新秀 Franco Colpainto，連續第 2 個比賽週末發生嚴重意外，在 T16 彎角的線位預得太盡，左前輪碰上 圍欄後失控，再衝向跑道右方護欄。其 Williams FW46 戰車嚴重損毀，但幸好並無大礙。
Sauber 帶來的新部件似乎奏效，周冠宇終於脫離包尾大幡的污名，今季第 3 度 闖進 Q2。賽事只餘下 3 場，明日又能否為車隊取得零的突破，打開得分之門呢 ?
最後一提，Sergio Perez 今季 第 5 度 在首輪 (Q1) 出局，不過大部份人應該覺得不意外吧...
12 CommentsComment on Facebook
主席d贊助夠保住佢下季個位？
角田比Perez更似紅牛二號車手 而家替當年Gasly, Alex Albon 不值
最後一句，真的
Per 夠穩定
Williams 技師：X！今晚又要通頂
Perez好似搵夠sponsor保得住出年個位，Max出年又要一個打六個！
周生正賽唔包尾當佢贏咗㗎喇!重想佢攞分？你有冇諗多咗呀?🤣
角田：認住我啦美國佬！唔好再唔比我入境喇！
那個艾法托利的痴線佬回來了
ham🥺
現場車手表示有陣獨特嘅味道
Valtteri Bottas 的 Sauber C44 戰車 因為 換上了 第 4 套 電池 (ES)，超出賽例規定數量，因此明日正賽 將會罰退 5 位起步。
9 CommentsComment on Facebook
無所謂啦，最尾退五位都係最尾，都係遊車河，無咩競爭力。
19 同20既分別姐
無所謂啦
無所謂啦！係咪都係尾排起步
有咩分別🤣定係想學四萬哥又最後 FL.......
he will start more or less there anyway...🥲
呢個爛車行頭都冇用啦
又唔使退到去巴西起步冇所謂啦
真係無所謂
F1 拉斯維加斯 FP2 成績....
Lewis Hamilton 依然是全場最快...
另外 Red Bull 兩位車手分別排名 17 及 19 ！！！
6 CommentsComment on Facebook
平治係呢條賽道，好似有d料到
平治次次練習都係威係勢，一到排位又變返第四集團
完全覺得驚訝
主席Q1出局機會勁大
紅牛車隊裝錯尾翼了，超要命的失誤，現在正在想辦法從總部寄送正確的尾翼過來
Benz FP成績不能參考，正賽就差好多
F1 車手積分榜，現時 Max Verstappen 領先 Lando Norris 62 分。
本季 比賽尚餘 3 場，本週末 F1 拉斯維加斯 分站正賽 出現下列賽果的，Verstappen 將提早奪得本年度車手世界冠軍。
1. 如果 Verstappen 勝出比賽 或
2. 如果 Verstappen 排名比 Norris 高 或
3. 如果 Norris 未能取得積分 。
21 CommentsComment on Facebook
其實條件二已經包含左條件一在內
Norris 攞2分或以下 就算Max攞唔到分即封
我就幻想其他車手會幫Norris 阻止max贏（電影情節😂）
要達成第三點只要一個煞車太晚．．．．（好黑暗）
其實1同2都係一樣😂😂😂 前過Norris 返黎
Norris 排pole 就會自爆 🤣 排後啲反而有啲機會😅
叫部長掃低Norris咪得囉
排名比 NORRIS 高
头文字 D说的慎吾：一起完蛋！
如果Sid撞車退賽！
唔駛計喇…係Max㗎喇！但佢今年終於都贏得唔輕鬆喇！
4, 下一場
總結就是Norris輸給Max
首先Lando 今場唔好又gg自己
小心 Max 壞車退賽無分 Norris 奪冠加最快圈 我希望見到這種情況出現 至少最後幾埸有啲競爭
2
Norris DNF
有第二點，其實第一點根本多餘😂
我再幫大家解釋一下 Max要今場搞掂嘅話有兩個條件一定可以 1. 排名前過Norris 2. Norris 排喺第九（冇FL）或以下嘅成績 Norris能夠將比賽拖到下一場，只有拎到分站冠軍就100%安全 如果Norris冇拎冠，就要睇吓Max係邊個排名完成
我燈max唔到最後一站都攞唔到
依張官方表詳細好多，2有好多個組合🤣
本週末 F1 美國 拉斯維加斯 分站 比賽時間表。
** 本星期日起 - F1 廣東話外掛評述直播，將轉到 新頻道: ChickJohn is Comng AGAIN
youtube.com/@chickenjohniscomingagain?si=4qcX1dqcwgH3ucEf
敬請留意！
14 CommentsComment on Facebook
激情赤裸直播，過唔過到yt電檢🥲
個新 yt channel 暫時水靜河飛, 乜都冇
我還在想背景為什麼是周潤發，原來是賭城的關係😆
新頻道真係直播到？ 測試過未？
perfect time for Hong Konger 😆😆
爽，唔洗捱眼訓😎
用 萬梓良係拉斯維加斯沙漠行路 更適合
最好將 靜雞雞左右/上下倒轉，咁就無咁易被察覺
😍
赌神做了拉斯維加斯亚洲区代言人.... lol
VCARB 車手 角田裕毅 透露，日前於美國機場入境，曾被 移民局 扣留數小時審問。
該位 日本籍車手 今年曾到 美國 邁阿密 及 奧斯汀 參與 F1 分站賽，過關未有遇上任何阻滯，但今次前赴 拉斯維加斯時 卻被留難。
角田表示 自己一身便服，只有他與物理治療師同行。到達美國機場關口時，被官員帶到一個狹小的房間，並作出詳細的盤問，包括 職業、薪酬、入境目的等...
當然經過一連串的 交涉 及 解釋後，最終獲批入境。
角田指對上述遭遇感到奇怪， 因為並非首度入境美國，兼持有 有效簽證。當時要求移民官 聯絡 同行人士、車隊人員 或 F1 官員 幫忙，但遭拒絕。一度以為會被遣返 日本 及 錯失 數日後的比賽... 幸好現時已經解決。
41 CommentsComment on Facebook
角田san: rb啊毅 移民官： 邊x到毅啊無人識你wor
你話佢著住睡衣墨西哥行路過境美國就話啫
責任全在美方
Google 自己俾佢睇就得啦，不過可能全部相都帶住頭盔，認你唔到。😅😅
：職業司機 ：百零萬 ：嚟揸吓車....
去過歐美澳就會明白，所有亞洲人待遇相同...
Super annoying at the entrance office😡
擺到明係佢嘅fans想同佢傾吓偈🤤
梗係美國人好少睇F1🤣🤣🤣
問Formula 1網站比個官睇
叫丫sir search f1 driver list 啦 😂
以為你係司機
如果係我，對住班入境人員回答職業同薪酬時，真係有啲自豪🤣
好肯定個移民官唔睇F1
有理由喎，日本係美國好聽話嘅狗狗🤔
因為要換老闆了
你知唔知邊個咸美頓啊？ 我嚟同佢鬥車㗎，懵丙！
海關是麥卡倫的
唔通係四萬哥粉🙄
件衫有冇得賣？
美國啲關員不嬲都好歧視亞洲人
You don’t know me ？
角田應該爆粗， 好粗個隻
又衰爛口呀🤣
角田覺得狹小嘅話間房有幾細🫣？
VCARB 於 F1 美國拉斯維加斯分站 的 新塗裝...
13 CommentsComment on Facebook
靚色
牙膏
Redbull Sauber Petronas powered by Ferrari
明明就是返用sauber
根本Sauber😂
Sauber C20?
kimi剛入F1的賽車塗裝😁
車身顏色像Sauber Petronas F1
致敬sauber?
Old Sauber!?
天氣預報式拉花
[2024 澳門賽車花絮 2]
介紹番，圖中既係 Victor，參加 FIA GT 世界盃 的 WRT 車隊成員，上星期生日 ...
車隊其他成員為左要令 Victor 渡過不一樣的的生辰 (當然亦有整蠱意味)，特意人手製作一批 印上 Victor 樣子 及 名字 的小旗，趁排位賽 開始前，於 集車區 向場內人士派發...
Victor 頓時成為明星，不少車迷影相集郵， 風頭直逼場內的世界頂級 GT 車手。 😂
2 CommentsComment on Facebook
係整“蠱”。
佢好過真卡迪拿
第 71 屆 澳門格蘭披治大賽車 上演一連串精彩賽事後，香港車手 謝榮鍵 (Kevin Tse) 在 大灣區 GT 盃 (GT4) 奪得季軍。該名港將 駕駛 由 Contempo Concept 所贊助的 18 號 Mercedes-AMG GT4 於正賽發揮不俗，並以 第 5 名 衝過終點。儘管如此，賽會在比賽後追罰數名違規車手後，Kevin 被提升至 第 3 - 獲得一席季軍，為他的賽季畫下圓滿句號。
謝榮鍵 在澳門日積月累的的作賽經驗，是為成功的關鍵之一。星期日比賽當天，從早上就一直下著傾盆大雨，令作賽環境變得惡劣。除了場上激烈的比拚外，還雖面對桃芝颱風帶來的強雨，場地狀況極為多變。從星期四練習賽 到 週日比賽期間，大部分時間賽道都是在濕滑的狀況。
在澳門比賽，排位賽的重要程度又再一次証明為至關重要，因為東望洋賽道的特性之一就是難以超越對手。謝榮鍵 緊隨在安全車後面的第二排起步。當時賽道的狀況極其惡劣，雨水被濺起令視野模糊。Kevin 於起步時落後了好些位置，因為戰車的低抓地力的路面上表現掙扎。及後，該位香港車手終於成功令輪胎進入工作溫度，並一直保持在 第 5 位。
最後亦以這名次將戰車帶回終點。
後來賽會及後追罰數名違規車手，謝榮鍵因此得益而在總成績上升上 第 3 位，收獲一席季軍。
這個季軍令 謝榮鍵的 2024 年 賽季以令人欣喜的狀態下完滿結束。Kevin 承認奪冠帶有幸運成份， 但車隊努力準備一部很具戰鬥力的賽車亦很重要。從今年的成績來看，展示出已取得長足的進步，澳門拿下的季軍 可說是結束今年賽季的最完美方式。
台長上週於澳門賽場 曾與 Kevin 碰面閒談，並透露明年的參賽計劃，車迷敬請耐心等候，稍後將會適時公佈。
2 CommentsComment on Facebook
Congratulations 🥂 Kevin Tse, well deserved 👍👍👍 humble and nice person…professional… and the most important is a Honest professional… good luck in front and hope see him again in Macau
冠軍要多謝佢
[2024 澳門賽車花絮 1]
你地逐個同我講
溝埋做瀬尿牛丸啦笨😂🤪
15 CommentsComment on Facebook
呢班女咁都贏到賽車女郎亞軍🙈
洗唔洗un下un下先講呀
@&@&#&&@@_$@&~吖笨~
保錡矮咗咁多嘅
下年再請葉生出席，然後請佢開金口唱返首歌… #放心去大聲笑
八兩金？
一定唔只一張咁少的！！！！
做乜個個係到Cosplay何馬
考試都一百分
悅水療，即到！！！
GT4 撈埋 TCR 吖笨！
要唔要奀下奀下讲
八両金（原名：葉競生）
閪曬面😂🙃
本週末的 F1 美國拉斯維加斯 分站賽， Sauber 的 C44 戰車外觀將有特別安排， 兩側換上火焰圖案。
25 CommentsComment on Facebook
架車完全唔得，哂左Bottas
團火嘅意義係。。。。“you are both fired”🤣🤣
會唔會無咁kick 架？
是在暗示引擎會着火嗎😂
加30匹？
等頭車追到你，你地就有鏡頭架喇
即係咁囉
連分都拎唔到，部車劃到五顏六色都冇用
話俾大家知佢哋係包尾，都要你見到。講笑😆
不如換啲青訓上黎試野好過
分呀！係要分呀！俾團火我托呀！？😂😂
跑到前面才有鏡頭
即係代表炒咗佢兩個......😎
然後當天發現用的是2022年Sainz在奧地利發爐版的PU，完美結合本彩繪(X
雖然車隊戰績唔掂，不過呢個拉花很不錯
車河部隊
這樣會比較快嗎??? +Buff
零分
技術唔店..就冰箱彩電大沙發...咁似國內的D 電動車..
兩位車手而家重邊度有心機揸
記得行慢D
周同志消失了？
Sauba今年完全唔掂，拖累咗兩車手出路
DNF
真係徙鳩氣，你嘅存在意義係乜？不如退出留返個位俾人啦
澳門 FIA GT World Cup 既 GT3 戰車。係台長 身邊不足 100cm，大概以 60 - 70 km/h 駛過， 其實已經好震撼 ...
19 CommentsComment on Facebook
下次去東方彎停車場睇
我與台長在澳門大賽車時合照，係台長身邊不足5cm，拍攝按快門大概以10-20 km/h 按下，心跳的速度已不能用震撼去描述🤣🤣🤣
香港搞個記者證，下年同大會申請記者證，可以去各站影相
可惜超多紅旗，啲車好靚啊
真要申請下入去做"龍友＂，值得的。
如果過幾年GT3電動化好唔好呀？😂
正
會唔會開台吹下水總結下今年澳門？
今年GT，好精彩，第二回
買啦
現場睇一定仲快過睇片🥹
揸車去港澳碼頭 果條引橋 睇着啲車兩百幾駛過 好似係同一條track上面 好震撼好爽
萄京湾，多年都在这，，睇，超享受
尋日係葡京彎睇F3上嘉思欄直頭嘈到地下震震地
Sammy Chu
澳門人好似好易攞到證入pit，有個朋友既女友係當地人，以前攞到免費葡京灣門票帶我地幾個朋友入場，仲帶到一個人入pit周圍睇，不過當時比較少大陸客，賽事冇咁旺場
呢到仲震撼 環迴立體聲 哈哈
未落去睇過咪覺得震撼囉 睇慣咗就冇乜特別
澳門經過週六的晴朗天氣後，來到星期日 - 即 FIA GT 世界盃 正賽舉行的日子。然而從凌晨起再度有雨，Mercedes-AMG Team Craft-Bamboo Racing 兩名廠方車手，眼前的是滂沱大雨、滿地積水，以及極低視野的作賽環境 ...
由於雨勢很大，比賽先由安全車帶領數圈，直到賽道積水漸退後才正式開始。除了前三名的激戰以外，比賽都進行得相對順利。最終 77 號 的 Daniel Juncadella (真卡迪拿) 達到賽前打進前十的目標，以第 10 位 衝線。99 號的 Jules Gounon (古農) 亦成功在賽程被縮短的比賽上超前數個位置至 19 位 完成。
雖然在今屆澳門賽事，車隊並未取得最理想的結果，但隊中上下 在每一輪比賽中都展現出堅毅，努力爭取最好的成績。該支香港車隊已計劃在明年的 FIA GT世界盃中捲土重來。
車隊總監 歐陽若曦 (Darryl O'Young) 率先總結，表示 儘管在 排位賽 及 選拔賽都很困難，但會為每個人所付出的努力感到自豪。這個週末提醒衆人，排位賽在澳門東望洋賽道是至關重要。如果末能在排位賽上取得較佳的位置，就會非常困難去反擊。雖然曾試圖努力去提升名次，但今年運氣並不站在我們這邊。不過，很高興看到 Juncadella 能夠打進比賽的前十名。
車隊已期待明年再次參加澳門格蘭披治大賽車。
Juncadella 認為就比賽結果而言，這次比賽是令人有點感到沮喪。決賽 從 第 12 位起步，除非有其他對手發生意外，否則想要超前對手還是很困難的。雖然成功進入了前十名，但這顯然並不是大家希望取得的目標。儘管如此，我們仍然在每一輪的比賽中學習到很多東西，在可能的情況下，都在不斷改進戰車的設置。將吸取今年的經驗，明年會變得更強。
Gounon 指出今天賽道上的情況非常極端地差，對自己 與 隊友 Juncadella 來說，今日的比賽非常艱巨。車隊十分努力，不斷對戰車作出改善，並解決在前幾輪中所發現的問題。總括而言，這次的澳門大賽 還是非常刺激的，希望我們下次會有更好的運氣。
1 CommentComment on Facebook
今日GT 係好精彩
又落跑道睇 GT World Cup 起步前夕
6 CommentsComment on Facebook
[傳聞] 據意大利報紙 Corriere della Sera 報導，將於季尾離開 Sauber 的 周冠宇，明年將轉投 Ferrari 擔任後備車手。
193 CommentsComment on Facebook
加油
他只會撞來撞去意氣用事哈哈哈 看不懂他怎麼跑的
預計咸咸在上海站病左 由周周代替出場😎😂
唔好計佢國藉，話曬周仔都係拉里青訓出嚟，簽返佢，又有資金入落拉里，又可以賣中國市場，一舉幾得
廢柴都得 呢個故事好勵志🤣🤣🤣🤣
開爛車都可以順利完賽，也是一種實力？
付費後備車手嗎？
其實佢比較適合去揸安全車！
以後誰來開Sauber?
不错的選擇，毕竟也能代表法拉利去参加利曼或其它赛事
安全駕駛大使
今天是愚人節嗎？
中國鈔能力
長期尾位保持者👍🏻👍🏻 穩定性不錯！ 人才之選🤣🤣
加5粒星落去就fit 晒
周生以前係拉利青訓出身，只不過係回歸😑
今次課幾多金？🤣
似系慢慢咁轉移去WEC~
唔通耶穌要走？ 不太可能吧。 如果真係入法拉利 頂多都係可能做Sim driver
能力鈔強👍
中國資金很香
畀錢做後備 算唔算F1第一人🤭
最重要Daddy有水
可見中國在車界的影響，重要性增加了
堅喎, 周公子為國再爭光
17 CommentsComment on Facebook
現場雨勢點樣
車房仔加油
台長加油👏🏼欣賞你們的專業報道
我係水塘看台
加拿大🇨🇦多倫多網友支持你們👍👍👍
葡京灣都冇晒觀眾喇！
路達係場度嗎？
台長有冇去打令？ 現在要幾錢？
有一點雨
今朝啲雨帶全部都喺曬澳門
格電取消😭😭😭
無曬囡囡。。。。。
台長早晨
辛苦台長
有冇見到上場冠軍安全車🤣
Civic萬歲
[澳門賽車消息] 風雨過後，本年度澳門格蘭披治大賽車終於在週六回復理想賽道狀況。共 12 圈的 FIA GT 世界盃 選拔賽 (qualification race) 進行非常順利，未有發生任何意外。Mercedes-AMG Team Craft Bamboo 的兩位廠方車手皆可盡情發揮並完成比賽。77 號 的 Daniel Juncadella (真卡迪拿) 甫開賽便立即搶攻，成功上升 1 個名次完成選拔賽。而 99 號 的 Jules Gounon (古農) 亦藉今天的比賽與戰車取得更好磨合，並將名次提升至 第 22 位。
車隊 當然對眼前成績未盡滿意，並已立定決心，矢志將旗下兩台 Mercedes AMG GT3 戰車在明日的正賽排名 打進前十位置。
Juncadella 指選拔賽從 第 13 位 起步，就預計到選拔賽並不輕鬆，尤其是在如此難爬頭的東望洋賽道。戰車的設定仍未十分理想，今晚會再回去看看那裡可以改進。希望明天的比賽可以有更好的發揮。
來自 安道爾 的 Gounon 則對今天的表現是有點失望，戰車仍未達到最佳狀態，車隊與本人仍在努力調整戰車。稍後會再商討 及 對戰車作出調整，希望正賽能有好效果。
車隊總監 歐陽若曦 (Darry O'Young) 承認選拔賽成績不似預期，但兩位車手經已發揮得很好 並 完成比賽。澳門賽道是難以爬頭超越對手的，明天我們只能竭盡所能作賽，希望可以打進前10名爭取更好成績。
# 77 - Daniel Juncadella (真卡迪拿)
選拔賽：第 12 位 (比賽最佳圈速 2:17.796)
#99 - Jules Gounon (古農)
選拔賽：第 22 位 (比賽最佳圈速 2:19.577)
#澳門賽車消息
0 CommentsComment on Facebook
台長 漫遊 FIA GT World Cup grid + 入 paddock
11 CommentsComment on Facebook
家陣排到幾點開賽？
多謝台長即場報道！！！
謝謝台長努力！！！
台長加油
Kurumi出唔出到
澳廣視應該要搵你哋黎講車先岩🤭
Thank you 台長!!
賽事在 youtube FIA channel 有直播
88
Hello from Thailand
nice
[澳門賽車消息] FIA GT 世界盃來到週五進行 舉足輕重的排位賽 (qualify)，Mercedes-AMG Team Craft-Bamboo Racing 的兩位廠方代表: Daniel Juncadella (真卡迪拿) 及 Jules Gounon (古農) 本來計劃把握 比賽週末中首次的乾地狀況，打算全力衝剌 ...
非常不幸地，Gounon 於 嚤囉園彎角碰上牆壁，其 配上電鍍銀色的 99 號戰車 需回到維修站即時搶修。然而到尾段 有對手在文華東方彎 發生嚴重意外，大會提早數分鐘結束，因此未有錄得任何有效的排位時間。
隊友 Juncadella 亦禍不單行，受 場內交通狀況 和 紅旗影響，只取得 1 圈 機會創造時間下，只能排在 第 13 位。
儘管遭遇挫折，兩位車手都希望在明天的選拔賽 (qualification race)中取得進步，爭取更高排名出戰星期日的正賽。
大家熟悉的 車隊總監 歐陽若曦 (Darryl O'Young) 指出，今天的排位賽不是很順利，隊中兩位車手都沒有一個暢通的賽圈可讓他們真正的發揮實力，明日選拔賽 只能排在 第 13 位 及 最後的位置 起步。情況不算理想，但澳門的比賽就是充滿著各種未知的狀況，全力繼續爭勝的目標仍是堅定不移。
負責 駕駛 77 號 Mercedes AMG GT3 戰車的 Juncadella 對於 排位賽的結果屬不幸，只能做到 1 次 有效的排位時間，然後便接連被其他對手阻礙和紅旗，比賽便被中止了。根本沒有機會可做出快的圈速，第 13 位 已是能力中可以取得最好的位置。在澳門如此難超越對手的賽道上，明天的比賽將會非常不容易，但仍會全力以赴。
Gounon 則以 "非常失望" 四字總結 排位賽。自己在山上路段 輕碰了一下牆壁令戰車有點受損，當回到維修站時，車隊對於能夠趕在排位賽完結前搶修成功表示樂觀，可惜其他賽車發生意外令大會出示紅旗，令排位賽提早完結，最終沒有機會再回到賽道上， 現時只能收拾心情，和車隊集中情神，盡全力爭取最好的成績。
77 號 Daniel Juncadella 真卡迪拿
排位賽：第 13 位 (2:18.371)
99號 Jules Gounon 古農
排位賽：第 23 位 (沒有錄得成績)
#澳門賽車消息